Кәсіпқой бокс: Бобыржан Момыновтың қарсыласы өзгерді
Бұған дейін BoxRec.com сайты 27 наурыз күні Ресейдің Екатеринбург қаласында Бобыржан Момынов жартылай орта салмақта бос тұрған IBF Baltic чемпиондық атағы үшін украиналық Эуард Скавинскиймен (13-0, 7КО) жұдырықтасатындығын жария еткен болатын. Дегенмен, ВКонтакте әлеуметтік желісіндегі «Қазақстанның кәсіпқой боксы» парақшасындағы ақпаратқа сәйкес, отандасымыз 25 наурыз күні Пуэрто-Рикода өтетін Ring City кезекті шоуында шаршы алаңға оралмақ.
«Достар! Алланың қалауымен шаршы алаңға 25 наурызда Пуэрто-Рикода шаршы алаңға оралатындығымды хабарлағым келеді. Сіздерді кезекті рет жеңісіммен қуанту үшін барлық мүмкіндікті жасаймын», - деп жазды отандасымыз Instagram-парақшасында.
Оның бұл жолғы қарсыласы америкалық Брайан Себальо (12-0, 6КО).
Себальо – Қазақстанның бокс жанкүйерлері үшін таныс есім. Ол 2019 жылы шаршы алаңда отандасымыз Бақтияр Аюбаевпен (14-2-1, 12КО) кездесіп, төрешілер шешімімен жеңіске жеткен болатын.
Ал Момынов соңғы жекпе-жегін 2020 жылдың 27 қыркүйегінде Қазан қаласында өткізіп, төрешілердің басым дауысымен ресейлік Вагинак Тамразянды жеңіп, жартылай орта салмақта IBF Eurasia чемпиондық атағын жеңіп алған еді.