Атап айтқанда, алматылық Еділ Қожамбердиев Камерун өкілі Кристиан Салманкпен айқасады. Боксшылар бірінші ауыр салмақ лимитінің (90,7 келі) шегінен асқан жоқ.
Болашағынан үміт күттіретін маңғыстаулық Уәлихан «Адай» Бисенқұлов (4-0, 4 КО) 27 жастағы француздық Меконго Родригеспен кездеседі. Қос спортшының да салмағы бірінші ауыр санатқа (90,7 келі) сай болды.
Белгілі әнші Ибрагим Ескендір (2-0, 2 КО) мен оның қарсыласы - ресейлік Дмитрий Антипов таразыда екінші орта салмақ санатына қажетті - 76,2 келіні көрсетті.
Үш боксшының барлығы Жалғас Түкешов басқаратын Tukeshov Boxing Promotions компаниясының атынан шығуда.
Бұған дейін хабарлағанымыздай, отандастарымыз 17 маусымда «Локомотив» бокс академиясында (Мәскеу, Ресей) шаршы алаңға шығады.