АСТАНА. ҚазАқпарат - Қазақстандық кәсіпқой боксшы Батыр Жүкембаевтың (9-0, 8KO) кезекті жекпе-жегінде кіммен жұдырықтасатыны белгілі болды, деп хабарлайды ҚазАқпарат тілшісі.
Отандасымыз келесі айқасын 27 қазан күні Канаданың Квебек қаласында панамалық Альберто Москуэрамен жұдырықтасады.
Москуэра 1987 жылғы. Кәсіпқой бокста 29 кездесу өткізіп, 24 рет жеңіске жеткен. 3 рет жеңілген және 2 жекпе-жегінде қарсыласымен тең түскен. 16 қарсыласын нокаутпен ұтқан.
Ал қазақстандық Батыр Жүкембаев осыған дейін 9 кездесу өткізіп, барлығында жеңіске жетті. 8 кездесуінде қарсыластарын нокаутпен ұтты.
Қос боксшы арасындағы жекпе-жек 8 раундқа жоспарланған.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.