19 сәуір күні Маңғыстау облыстық Орман шаруашылығы және жануарлар дүниесі аймақтық инспекциясының мемлекеттік инспекторлары Түпқараған ауданындағы рейд барысында Қаражанбас кен орны маңындағы бөгеттің аумағында өлі 4 итбалықты анықтады. Сонымен қатар 20 сәуірде Форт-Шевченко қаласындағы Каспий жағалауында тағы бір өлі итбалық табылды.
Тексеру кезінде су жануарлары шамамен өткен күзде өлгені белгілі болды. Итбалықтар денесінің қатты бұзылуына байланысты тиісті сынамалар алу мүмкін болмады.
Теңіз жағалауы мен судың өзінде өзге өлі итбалықтар анықталмады.