Каспий теңізінің солтүстік бөлігін зерттеу көрсеткендей, теңіз деңгейі төмендеуді жалғастырып, аралдардың ауданы соңғы жылдары екі-үш есе ұлғайған.
— Қолданыстағы және жаңа қалыптасқан аралдарда жағалаудың ұлғаюы байқалады. Мысалы, Чистая Банка аралының ауданы 2019 жылмен салыстырғанда теңіз деңгейінің төмендеуі және оның шығыс, батыс және оңтүстік бөліктеріндегі жаңа мүйізшелердің құрғауы нәтижесінде екі есе артқан. Сонымен қатар, Тбилиси банкасынан пайда болған аралдың ауданы өткен жылмен салыстырғанда үш есе ұлғайған, — делінген П. П. Ширшов атындағы Океанология институтының хабарламасында.
Зерттеулер теңіз деңгейінің тұрақты түрде төмендеуі тенденциясын растайды.
— Қазіргі сәтте анық нәрсе біреу ғана — теңіз деңгейі төмендеуді жалғастырып отыр, — деді экспедиция жетекшісі, Каспий филиалының кіші ғылыми қызметкері Иван Ермаков.
Еске сала кетейік, бұған дейін Ақтау қаласының аумағы Каспий есебінен кеңейгенін жазған едік.