Каспий жағалауынан табылған итбалық өлекселерінің саны 533-ке жетті
АҚТАУ. KAZINFORM – Итбалықтардың жаппай қырылуы қазан айының соңында басталды. Содан бері инспекторлар күн сайын Каспий теңізінің жағалауынан өлген итбалықтарды анықтауда. Бүгінде 500-ден астам су жануарының ұшасы жиналып, жойылды.
Фото: Kazinform
Маңғыстау облыстық балық шаруашылығы инспекциясы басшысының міндетін атқарушы Андрей Рудскийдің мәліметінше, кеше 7-қарашада кешке дейін тағы 200-ге жуық итбалықтың ұшасы жиналып, жою үшін полигонға жеткізілген.
Жалпы қазанның 24-29 аралығында жағалаудан 289 өлексе табылған.
Фото: Kazinform
Ал, 4-5 қараша күндері 121 ұша анықталды. Енді соған тағы 195 өлген итбалық қосылып, барлығы 533 өлексе жойылды.
Фото: Kazinform
Бұған дейін ихтиолог Әсел Баймұқанова итбалықтардың теңіздің солтүстік аумағына миграциясы кезінде қырылғанын айтқан болатын.
Ізбасарова Аягөз Оралбайқызы телевизия саласында 2003 жылдан бері жұмыс істейді. Еңбек жолын «Қазақстан» РТРК» АҚ Маңғыстау облыстық филиалы «Қазақстан-Ақтау» телеарнасында жүргізуші-редакторлықтан бастап, редактор, шеф-редактор қызметтерін атқарды. Соңғы 7 жылдан бері «Қазақстан» Ұлттық арнасының Маңғыстаудағы меншікті тілшісі. Ақпарат саласының үздігі. Kazinform халықаралық ақпарат агенттігінде 2024 жылғы мамырдан бастап қызмет етеді.