АСТАНА. ҚазАқпарат - Бразилия футболдан әлем чемпионаты топтық кезеңінде 17 ойында жеңілмеген алғашқы құрама атанып, рекордтық көрсеткішке қол жеткізді, деп хабарлайды ҚазАқпарат тілшісі.
Бразилиялық футболшылар 28 қарашада Швейцариядан 1:0 есебімен басым түсті. Аталған жеңістен кейін олар жаңа рекордты бағындырды.
G тобында сынға түсіп жатқан Бразилия екі ойыннан кейін алты ұпай жинады. Бір тур бұрын плей-офф сатысына жолдама алды.
Қазірге дейін Бразилия құрамасы бес мәрте әлем чемпионы атанған.
Дегенмен Бразилия құрамасы соңғы 20 жылда үлкен жетістіктерге жете алмай келеді.
Аталған топтағы Швейцарияның үш, Камерун мен Сербияның бір-бірден ұпайы бар.
Енді олар 2 желтоқсанда Камерун құрамасымен шеберлік байқасады.
Ашық көздерден алынған фото
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.