АСТАНА. ҚазАқпарат – Қатарда футболдан өтіп жатқан әлем чемпионатында Франция – Марокко арасындағы жартылай финалдық матчта франциялық шабуылшы Антуан Гризманн үздік ойыншы атанды, деп хабарлайды ҚазАқпарат тілшісі.
Антуан Гризманн бұл ойында шабуылды ұйымдастырумен бірге қорғаныста да көзге түсті.
Жалпы, ол осы біріншілікте үздік пас беруші ретінде де танылып келеді.
Сонымен қатар А.Гризманн Франция құрамасы сапында әлем чемпионаттарында 18 рет қатарынан алаңға шықты. Бұл Франция тарихындағы ең ұзақ серия болып табылады.
Марокконы 2:0 есебімен жеңген Франция құрамасы 18 желтоқсанда финалда Аргентинамен ойнайды.
Еске сала кетейік, бұдан бұрын Мессидің әлем чемпионаттарында Аргентина құрамасының үздік сұрмергені атанғанын жазған болатынбыз.
Сондай-ақ үздік ойыншы Месси әлем чемпионаттарының рекордын орнатты.
Франция құрамасының қақпашысы Уго Льорис Мануэль Нойердің жетістігін қайталады.
Футболдан әлем чемпионатында Франция финалға шықты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).