АСТАНА. ҚазАқпарат – Хорватия құрамасының қақпашысы Доминик Ливакович Қатарда өтіп жатқан футболдан әлем чемпионатында соққыны қайтару жөнінен үздік атанды, деп хабарлайды ҚазАқпарат тілшісі.
Қақпашы әлем біріншілігінің жеті кездесуінде барлығы 25 соққыны қайтарды.
Ливакович осыған дейін көш басында болған Польша құрамасының қақпашысы Войцех Щенсныдың көрсеткішінен (23) асып түсті. Бірақ В.Щенсны чемпионатта төрт-ақ матч өткізді.
Бес кездесуде 18 сэйв жасаған нидерландылық қақпашы Андрис Нопперт үздік үштікті түйіндеп тұр.
Бүгін әлем чемпионатының финалында Франция мен Аргентина құрамалары алтын үшін таласады. Дегенмен бұл елдің қақпашылары Уго Льорис пен Эмилиано Мартинес үздіктер көрсеткішін жақсарта қоюы неғайбыл, олардың еншісінде тиісінше 10 және 5 сэйвтен бар.
Еске сала кетейік, бұдан бұрын бокстан «Манчестер Юнайтед» Нидерланд құрамасының шабуылшысы үшін 50 млн еуро төлеуге дайын екендігін жазған болатынбыз.
Сондай-ақ Хорватия құрамасы Мароккодан басым түсіп, қола жүлде жеңіп алды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).