АСТАНА. ҚазАқпарат - Қатарда өтіп жатқан футболдан 2022 жылғы әлем чемпионатында топтық кезеңінен кейін сұрмергендер көшін үш гол соққан бес футболшы бастап тұр, деп хабарлайды ҚазАқпарат тілшісі.
Дүбірлі додада қазірге дейін барлығы 90 футболшы гол соғып үлгерді. Олардың арасынан англиялық Маркус Рашфорд, испаниялық Альваро Мората, франциялық Килиан Мбаппе, нидерландтық Коди Гакпо және эквадорлық Энвер Валенсия үш мәрте қақпаны дәл көздеді.
Ал 18 футболшы екі голдан соқса, қалғаны әзірге бір ғана мәрте мергендік танытты.
Еске салсақ, бұдан бұрын Бельгия қақпашысы Тибо Куртуа ұлттық құрама сапындағы 100-ші ойынын өткізді.
Сондай-ақ, Сауд Арабиясы құрамасы әлем чемпионаты топтық кезеңінің антирекордын тіркеді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.