«Парсы аймағында орналасқан Қатар күрделі мемлекет. Себебі өте бай. Қарым-қатынасымыз бұрыннан жақсы. Бүгін екі шартқа қол қоямыз. Біріншісі - метрология мен сертификация жөнінде. Ол ертең біздің тауарларға жол ашады. Екіншісі сауда-экономикалық ынтымақтастық туралы. Олда алдағы уақытта сауда-экономикалық қарым-қатынасымызға құқықтық база қалыптастыратын келісімшарт болады», - деді ол Ақордада БАҚ өкілдерінің сауалына орай.
Сонымен қатар министр бүгінде Қазақстан мен Қатар арасындағы тауар айналымы өте төмен екендігін айтты.
«Тек 3 млн доллар ғана. Бірақ, біз арнайы есеп жасадық. Қазіргі уақыттағы экспорттық мүмкіншілігімізді 70 млн долларға дейін жеткізуге болады», - деді Серік Жұманғарин.
Айта кетейік, Ақордада Мемлекет басшысы Қасым-Жомарт Тоқаев мемлекеттік сапармен келген Қатар Әмірі шейх Тәмим бен Хамад Әл Тәниді қарсы алды.