АСТАНА. 28 қаңтар. ҚазАқпарат - Қазақстан өңіріндегі республикалық автожолда көлік қозғалысы шектелді. Бұл туралы «Қазақавтожол» РМК баспасөз қызметі хабарлады.
Атап айтқанда, бүгін Астана уақытымен сағат 11:00-де Атырау облысындағы қатты боранға байланысты «Доссар-Құлсары-Ақтау» автожолының 0-128 шақырымындағы Доссар-Құлсары аралығында көліктің барлық түрлеріне жолға шығуға тыйым салынды.
Ал еліміздің өзге өңірлеріндегі республикалық маңызы бар жолдарда көлік қозғалысы қалыпты режимде жүзеге асырылуда.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.