Қауіпсіз қала: Астанада бейнебақылаудың арқасында қылмыс көлемі 30% азайды
Жолдағы қауіпсіздіктен басқа «Қауіпсіз қала» жобасы іске асырылып жатыр.
Жобаны іске асырудың алғашқы қадамдары «Қауіпсіз аула» пилоттық жобасы болып саналады.
Жоба аясында тәртіпті бақылау үшін көппәтерлі аулаларда бейнебақылау камераларын орнату ісіне басымдық беріледі.
Бейнекамералар заңсыз әрекетті анықтап, алдын алу үшін үздіксіз мониторинг жүргізеді.
Бейнебақылау камераларының негізгі функционалдық мүмкіндіктері – бейнетіркеу, деректерді өңдеудің интеграцияланған жүйесі, сенімді бағдарламалық қамтамасыз ету.
Оның бәрі түрлі жағдайларда жүйенің тиімді жұмысын ұйымдастыруға мүмкіндік береді.
Жолдардағы қауіпсіздік бойынша зияткерлік көлік жүйесі толығымен енгізілді.
Соның арқасында елорда жолдары еліміздегі ең қауіпсіз жолдардың біріне айналып отыр.
Үздіксіз мониторинг жүргізу үшін арнайы жүйелерді пайдалану – ішкі өзара іс-қимылды жақсартуға мүмкіндік берді.
Қазірдің өзінде жобанының оң әсері байқалады.
Статистика бойынша 2020 жылы тіркелген қылмыс саны 30%-ға азайды.