Қай қаланың халқы көп?

АСТАНА. 12 наурыз. ҚазАқпарат - Экономикалық ынтымақтастық және даму ұйымының берген мәліметіне қарағанда, 2009 жылдың соңындағы жағдай бойынша халқының саны бойынша Токио қаласы шет аймағын қоса есептегенде әлемдегі ең ірі деген 90 қаланың ішінде 35 млн. адаммен көш бастап тұр.

Сеул қаласы мен оның шеткері аймағы халықтың қоныстануы бойынша екінші орында, деп хабарлады ИТАР-ТАСС агенттігі. Оңтүстіккореялық астана үшін бұл көрсеткіш 23,9 млн. адамды құрады.

Екі азиялық қаладан соң қоныстануы бойынша 19,9 млн. адаммен Мексиканың Мехико қаласы келеді. Ал Нью-Йоркта 19,1 млн. адам тұрады екен.