НҰР-СҰЛТАН. ҚазАқпарат - Футболдан Алматының «Қайраты» алдағы маусымға дайындығын бастап кетті, деп хабарлайды ҚазАқпарат тілшісі.
Алматылық клуб алғашқы оқу-жаттығу жиынын команда базасында өткізуді жоспарлап отыр. Бас бапкер Алексей Шпилевскийдің шәкірттері Алматыда 17 қаңтарға дейін дайындығын жүргізеді. Одан кейін Түркияға екінші оқу-жаттығу жиынын өткізуге аттанады. Түркияда Польшаның «Легия», Украинаның «Динамо» (Киев) және Болгарияның «Лудогорец» командаларымен жолдастық кездесу өткізеді.
Қазіргі таңда «Қайрат» құрамынан жартылай қорғаушы Исламбек Қуат Ресейдің «Оренбург» командасына ауысты. Сондай-ақ, жартылай қорғаушы Бауыржан Исламхан да шетелдік клубтардың біріне ауысуы мүмкін.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.