Ойын барысында алматылық команда алғашқы минуттан белсенді қимыл көрсетуге тырысты. Олардың қатарынан 37-минутта Эдмилсон мергендік танытты.
Бірінші ойында алматылық клуб қарсыласына 0:1 еесбімен есе жіберген еді. Нәтижесінде екі ойынның нәтижесімен есеп теңесті.
Тоқсан минутта жеңімпаз анықталған жоқ. Кездесу қосымша кезеңге ұласты. Қос команда овертаймда да бір-бірінің қақпасынан саңылау таба алған жоқ.
Осылайша жеңімпазды анықтау пенальти сериясы арқылы анықталатын болды. Бұл жолы қазақстандық команда 7:5 есебімен қапы қалдырып, үшінші кезеңге жолдама алды.
Енді олар үшінші іріктеу кезеңінде «Левски» (Болгария) — «Университатя» Крайова (Румыния) жұбының жеңімпазымен ойнайды. Бұл жұптағы алғашқы ойын болгариялық команданың басымдығымен 1:0 есебімен аяқталған еді.
Айта кетсек, алматылық клуб бұдан бұрын UEFA Чемпиондар лигасы бірінші іріктеу кезеңінде Черногорияның «Сутьеска» клубын (2:1, 2:0) қапы қалдырды.
Кипрлік клуб енді Еуропа лигасы үшінші іріктеу кезеңінде «Мьельбю» (Швеция) — «Линкольн Ред Импс» (Гибралтар) жұбының жеңімпазымен ойнайды.
Еске салсақ, отандық төрешілер УЕФА Конференция лигасының матчына тағайындалды.