АСТАНА. KAZINFORM — Футзалдан Чемпиондар лигасының элиталық кезеңінде «Қайрат» командасы Загреб қаласында (Хорватия) хорватиялық «Олмиссуммен» шеберлік байқасты.
Бұл алматылықтардың В тобындағы екінші кездесуі еді. Осыған дейін «Қайрат» франциялық «Этуаль» командасын 4:2 есебімен ұтқан болатын.
Бұл жолы 26-минутта Эдсон соққан жалғыз гол Марлон Веласко шәкірттеріне жеңіс әперді.
Осылайша, 6 ұпай жинаған «Қайрат» өз тобындағы жағдайын жақсарта түсті. Енді алматылықтар соңғы матчын хорватиялық «Футзал Динамо» командасымен өткізеді.
Әр топтан жеңімпаз клуб қана финалдық кезеңге жолдама алады.
Еске сала кетейік, бұдан бұрын футзалдан «Қайраттың» элиталық кезеңде жеңіске жеткенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).