Футболдан премьер-лига командалары арасындағы ел біріншілігінің 26-турындағы алғашқы үш ойынның нәтижесі белгілі болды, деп хабарлайды Kazinform.
Бұл турда Алматының «Қайраты» сырт алаңда «Атыраумен» кездесті.
Алматылық клуб бірнеше тур бұрын төртінші орынға тұрақтаған еді. «Атырау» да Премьер-лигадағы орнын сақтап қалды.
Нәтижесінде командалар 0:0 есебіне қанағат білдірді.
Тағы бір кездесуде өз аалңында Павлодар облысының «Ақсуы» Қостанайдың «Тобылына» 0:3, Петропавлдың «Қызылжары» Қызылорданың «Қайсарына» 0:1 есебімен есе жіберді.
Енді «Ақтөбе» мен «Жетісу» (Талдықорған), «Каспий» (Ақтау) мен «Ордабасы» (Шымкент), «Оқжетпес» (Көкшетау) пен «Мақтарал» (Түркістан облысы), «Шахтер» (Қарағанды) мен «Астана» командалары ойнайды.
Бұл ойында екінші, үшінші орынға ие болған командалар және бірінші лигаға түсіп қалатын үшінші клуб белгілі болады.
Айта кетсек, соңғы турдағы барлық ойын көрерменсіз өтіп жатыр.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.