20:13, 23 Сәуір 2023

«Қайрат» пен «Ордабасы» кездесуінде тең нәтиже тіркелді

АСТАНА. ҚазАқпарат - Бүгін футболдан Премьер-лига командалары арасындағы ел біріншілігінің 7-турында «Қайрат» пен «Ордабасы» тең түсті, деп хабарлайды ҚазАқпарат тілшісі.

Екінші ойын күніндегі тағы бір негізгі кездесу «Қайрат» (Алматы) мен «Ордабасы» (Шымкент) арасында өтті.

Кездесу барысында командалар алғашқы минуттан гол соғуға тырысты. Нәтижесінде алматылық клуб шабуылшысы Жоао Паоло 36-минутта мергендік танытты.

Ал «Ордабасы» сапынан Ғафуржан Сүйімбаев 53, Асхат Тағыберген 68-минутта екі гол соғып кетті.

Ал Жоао Паоло 78-минутта қорытынды есепті белгіледі.

Командалар 2:2 есебіне қанағат білдірді.

Енді 20:00-де «Қайсар» (Қызылорда) мен «Астана» жасыл алаңға шығады.

Еске салсақ, 22 сәуірде «Мақтарал» өз алаңында «Жетісудан» жеңіліп қалса , «Қызылжар» мен «Каспий» 1:1 есебімен тең ойнады.

Ал 23 сәуірде «Оқжетпес» пен «Шахтер», «Тобыл» мен «Ақтөбе» тең нәтижеге қанағат білдірсе, «Атырау» өз алаңында «Ақсуды» 2:1 есебімен жеңді.

Ал сегізінші тур ойындары 6 және 7 мамыр күндеріне белгіленген.

Спорт Футбол

Әділжан Үмбет

1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді. 2015-2020 жылдарда «Ақмешіт апталығы» газетінің бас редакторы болды. Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті. 2018 жылдан бері «Kazinform» ақпарат агенттігінде Қызылорда облысындағы меншікті тілші.