«Қайрат» шағын футбол клубы Еременко кубогы турнирінің «төрттік финалына» шықты

АЛМАТЫ. 23 желтоқсан. ҚазАқпарат - «Қайрат» клубы шағын футболдан Латвияда өтіп жатқан Константин Еременко кубогы турнирінің «төрттік финалына» шықты.

«В» тобында Даугавпилс қаласында бақ сынаған алматылықтар Чехияның Теплице қаласының «Балтиквлор» командасын 10:5, Латвияның Рига қаласының «Раба» командасын 9:2 есебімен ұтып, Ресейдің «Тюмень» командасымен 3:3 есебімен тең түсті.

Енді олар өз тобындағы тюмендіктермен қатар «А» тобындағы 2 ресейлік «Газпром-ЮГРА» мен «Синара» футболшыларымен бірге жарыстың келесі кезеңінде күш сынасатын болады.