Алматылық «Қайрат» футболдан РПЛ Қысқы кубогындағы ойын кестесі белгілі болды, деп хабарлайды Kazinform.
Халықаралық турнир 2024 жылдың 2-14 ақпан аралығында Біріккен Араб Әмірлігінің Әбу-Даби қаласында болады.
Қарсыластары - ресейлік «Спартак»,«Ростов» клубтары және «Шабаб Аль-Ахли» командасы (БАӘ).
«Қайраттың» турнирдегі ойын кестесі:
6 ақпан. «Шабаб Аль-Ахли» - «Қайрат». Басталуы - 22:30;
11 ақпан. «Қайрат» - «Ростов». Басталуы - 21:00;
14 ақпан. «Спартак» - «Қайрат». Басталуы - 22:30.
Төрт команда топтық кезеңде бір-бірімен кездеседі.
Топта бірінші орын алған ұжым турнирдің жеңімпазы атағына ие болады.
Халықаралық турнирді жанкүйерлер «Qazsport» және Ресейдің «Матч ТВ» телеарналары арқылы тамашалай алады.
Аталған турнирдің соңғы чемпионы - мәскеулік «Спартак».
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.