НҰР-СҰЛТАН. ҚазАқпарат - Қазақстан кубогының ширек финалдық матчында Алматының «Қайраты» өз алаңында «Ақжайықты» қабылдады, деп хабарлайды ҚазАқпарат тілшісі.
Жанкүйерлер ойын алаң иелерінің басымдығымен өтеді деп күткенімен, оралдықтар жиірек шабуылдады.
Дегенмен Данил Устименко өз қақпасын сәтті қорғай алды. Бірінші тайм соңына таман екінші рет ескерту алған алматылық Вячеслав Швырев алаңнан қуылды.
Екінші таймда «Қайраттан» Сергей Кейлер 77-минутта айып добын тамаша орындады. Алайда 87-минутта Виктор Васин өз қақпасына гол соғып алды. Содан кейін Оралхан Өміртаев «Ақжайыққа» жеңіс әперді - 2:1.
Осылайша, жартылай финалға жолдама алған оралдықтар 19 қазан күні өз алаңында «Тараз» - «Шахтер» матчының жеңімпазын қабылдайды.
Еске сала кетейік, бұдан бұрын «Ақжайықтың» Қазақстан кубогының ширек финалына жолдама алғанын жазған болатынбыз.
Суреттерді түсірген Айбатыр Нұраш.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).