ҚЫЗЫЛОРДА. ҚазАқпарат - Қызылорданың «Қайсар» командасы Гвинея-Бисау құрамасының 26-жастағы ойыншысы Проспера Мендимен келісімшартқа отырды. Бұл жөнінде команданың баспасөз қызметінен мәлім етті, деп хабарлайды ҚазАқпарат тілшісі.
Африкалық футболшы кәсіби мансабының басым бөлігін Еуропа клубтарында өткізді. Бұған дейін Францияның «Монфермайл», Норвегияның «Стремсгодсет», Бельгияның «Виртон» және Болгарияның «Спартак Варна» клубтарында доп тепті.
Айта кетсек, бұған дейін команда басшылығы қақпашылар – Нұрымжан Салайдин, қорғаушылар – Абылайхан Төлегенов пен бразилиялық Жоао Педро де Оливейра, жартылай қорғаушылар – Дидар Жалмұқан, Руслан Сақалбаев және Мағжан Бауыржанмен келісімшартқа қол қойды.
Бұдан бұрын «Қайсар» командасына жаңа бас бапкер тағайындалғанын жазған болатынбыз.
Фото: «Қайсар» футбол клубы
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.