ҚЫЗЫЛОРДА. ҚазАқпарат - Қызылорда қаласында гандболдан әйелдер арасында ел біріншілігі мәресіне жетті. Қызылорданың «Қайсар» командасы 12 мәрте чемпион атанды, деп хабарлайды ҚазАқпарат тілшісі.
Ел біріншілігінде жүлделі орындарды сарапқа салуға төрт команда мүмкіндік алды.
Жартылай финалда қызылордалық «Қайсар» Өскеменнің «Алтайын», «Шымкент» клубы елордалық «Астананы» жеңіп, бас жүлде үшін таласқа түсті.
Финалда қызылордалық және шымкенттік спортшылар екі ойын өткізді. Алғашқысында «Қайсар» 44:33 есебімен басым түссе, екіншісінде 34:25 есебімен тізе бүктірді.
Нәтижесінде қызылордалық клуб ел біріншілігінің 12 дүркін чемпионы атанды.
Аталған команда сапында Вероника Хардина, Наталья Полуянко, Аружан Әмит, Жанерке Сейітқасым, Назым Сабыржанқызы, Татьяна Давыдова, Ксения және Мария Пупченковалар жақсы ойынымен көзге түсті.
Еске салсақ, Балалар жылы аясында Қызылордада 80 спорт және ойын алаңы ашылған.
Фото: Облыстық мәдениет және спорт басқармасы
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.