ҚЫЗЫЛОРДА. ҚазАқпарат - Қызылорданың «Қайсар» командасы сырт алаңда Павлодардың «Ертіс» клубын 1:0 есебімен тізе бүктірді. Бұл қызылордалық фтболшылардың бес турдан кейін қол жеткізіп отырған жеңісі, деп хабарлайды ҚазАқпарат тілшісі.
Аталмыш ойында команда капитаны Думан Нәрзілдаев 90-минутта жеңіс добын соқты. Сондай-ақ, «Қайсардың» қақпашысы Марсель Исламқұлов рекордын жаңарта түсті. Ол 7 ойын бойы өз қақпасын голдан аман сақтап келеді. Ол шамамен 720 минутқа жуықтайды.
Қызылордалықтар соңғы рет 9 мамырда өз алаңында Қарағандының «Шахтерін» 3:0 есебімен жеңген еді. Содан бері олар 5 ойын өткізіп, оның төртеуінде 0:0 есебімен тең ойнап, біреуінде «Астана» командасынан 0:2 есебімен жеңіліс тапты.
Бұл жеңіс Қызылорда командасынан ауадай қажет еді. Биыл «Қайсар» алдына үздік бестікті болу міндетін қойған болатын. Дегенмен әзірге соңғы орындарда келеді.
Келесі турда «Қайсар» өз алаңында Алматының «Қайрат» командасын қабылдайды. Бұл ойын 1 шілде күні өтеді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.