Қайырымдылық жеңімпазы Қайрат Нұртаспен бірге түстенеді
Оған қатысу үшін lunch.bolashak.kz сайтына кіріп, сомасы 1000 теңге құрайтын билет сатып алу жолымен қайырымдылық үлес жасау қажет. Кез келген қатысушы үшін сатып алатын билет саны шектелмейді, және әр билет қатысушының жеңіске жету мүмкіндігін арттырады. Сонымен қатар қайырымдылықты анонимді түрде жасауға да болады. Төлем қабылдау аяқталғанан кейін кездейсоқ сан генераторы жеңімпазды анықтайды. Ол Қайрат Нұртаспен бірге түскі асқа баратын болады. Бас жүлдемен қатар қонақтың қолтаңбасы қойылған естелік сыйлықтар да ойнатылады, деп хабарлайды қауымдастықтың баспасөз қызметі.
«Bolashak Lunch» лотереясын өткізудің басты мақсаты - қайырымдылыққа қаражат жинау. Жиналған қаржы «церебралды сал ауруы» диагнозы қойылған балаларға көмекке жұмсалады.
Лотереяға қатысуға өтініштер 2016 жылғы 30 қарашаға дейін (қоса алғанда) қабылданады.
Ұйымдастырушылар мен серіктестер: «Болашақ» қауымдастығы, «Monaco» отелі, «Нұрбанк» АҚ қаржы қолдаумен.
«Bolashak Lunch» қайырымдылық лотереясы ел Тәуелсіздігінің 25-жылдығына және «Болашақ» қауымдастығының 15-жылдығына арналған «25 қайырымды іс» жобасы аясында өткізіледі.
«Bolashak Lunch» қайырымдылық лотереясының алғашқы қонағы Олимпиада ойындарының жүлдегері Василий Левит болды. Ол кезде 173 мың теңге жиналған еді. Бұл қаражат 2008 жылғы балалар аутизмі және Аспергер ауруына шалдыққан Қуантқан Шерханның көпсалалы мамандар тобымен (психолог, эрготерапевт, логопед) 3 айлық қалпына келу курсын өтуге жұмсалды.