АСТАНА. ҚазАқпарат - Виктория Петрова «Қазақ аруы» байқауында Павлодар қаласы атынан бақ сынайды.
«Биыл алғаш рет «Қазақ аруы» байқауына Виктория Петрова есімді ару қатысатын болды. Ол Павлодар қаласы атынан бақ сынайды. Оның қазақ тілін, салт-дәстүрін қаншалықты білетіні бізді таңғалдырды», - деп жазды байқаудың ұйымдастырушысы Баян Мақсатқызы өзінің Instagram-дағы парақшасында.
Еске сала кетейік, «Қазақ аруы-2016» байқауының жеңімпазы атыраулық Альмира Ахатова болған еді.
Ербол Жанат
ЕҰУ-да журналистика мамандығы бойынша бакалавриатты және магистратураны тәмамдаған. Стамбул мемлекеттік университетінде ғылыми тағылымдамадан өткен. «Qazaqstan» ұлттық телеарнасында, "Астана ақшамы" газетінде тілші болған. 2014 жылдан бері Kazinform ХАА-да шығарушы редактор қызметін атқарып келеді.