Қазақ балуандары әлем чемпионатын сәтті бастады

АСТАНА. KAZINFORM – Бүгін Тиранада (Албания) 23 жасқа дейінгі балуандар арасындағы әлем чемпионаты басталды. Бірінші жарыс күні бөзкілемге шыққан балуандарымыз алғашқы белдесулерін сәтті бастады.

Әлем біріншілігін бірінші болып грек-рим күресінің өкілдері бастады. Қазақ балуандары арасында бірінші болып кілемге шыққан Дін-Мұхамед Қошқар (67 келі) Литва балуаны Адомас Григалюнастан 5:1 есебімен басым түсті.

Енді ол 1/8 кезеңде Даниал Агаевпен (Бейтарап атлет) күш сынасады.

Ал 60 келі салмақта ел намысын қорғап жатқан Досжан Өтепқалиев те алғашқы қарсыласын жарыс жолынан тайдырды. Ол бірінші белдесуінде Сауд Арабиясынан келген Хасан Мұхаммед Әл-хартиды айқын басымдықпен жеңді. Отандасымыз бір жарым минуттың ішінде 8-0 есебімен жеңіске жетті!

Енді ол 1/8 кезеңде қытайлық спортшымен кім мықтыны анықтайды.

Бүгін тағы үш балуанымыз жарыс жолына шығады. Нақтырақ айтсақ, 72 келіге дейінгі салмақта Мерей Мәулітханов, 82 келіге дейінгі салмақта Альмир Төлебаев және 97 келіге дейінгі салмақта Ерзат Ерланов ел намысын қорғайды.

Естеріңізге сала кетейік, осыған дейін қазақстандық балуандардың алғашқы қарсыласы анықталғаны туралы жазған болатынбыз.