ОРАЛ. Тамыздың 30-ы. ҚазАқпарат /Ғайсағали Ералы/ - Қазақ елінде сан ұлт өкілдерінің тату-тәтті өмір сүруі - Ата заңның арқасы. Бұл туралы Орал қаласында тұратын зейнеткер, татар ұлттық-мәдени қоғамының мүшесі Рамия Қожаева мәлім етті,
деп хабарлайды ҚазАқпарат тілшісі.
Оның айтуынша, ең басты байлық - елдегі тыныштық. Қазақстанда түрлі ұлт өкілдері өздерінің салт-дәстүрін ұстанып, мәдениетін, тілін дамытуына мүмкіндік алып отыр. Әсіресе, жастардың алды ашық, болашағы жарқын болсын. Биылғы Конституция мейрамының ораза айымен тұспа-тұс келуі де ерекше көңіл-күй үстейді. Адамдардың бір-біріне мейірбан болып, достық пен келісім арқылы ел іргесін бекіте түсуіне әсер етеді. «Ата заң құтты, Елбасымыздан бастап бәріміздің денсаулығымыз мықты болсын, Ораза қабыл болсын», деді ардагер.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).