Қазақ мектептерінде білім беру сапасы төмен деген пікірмен келіспеймін - Б.Жұмағұлов

ТАНА. 22 қыркүйек. ҚазАқпарат /Айдар Оспаналиев/ - «Қазақ мектептерінде білім беру сапасы төмен деген пікірмен келіспеймін. Ұлттық бірыңғай тестілеу шараларының нәтижесі бойынша қазақ мектебін бітірген балалардың білім сапасы жоғары»,-дейді Білім және ғылым министрі Бақытжан Жұмағұлов.

Ол бұл пікірін бүгін Парламент Сенатының жалпы отырысында білдірді.

Министрдің сөзіне қарағанда, әлемде түрлі пәндер бойынша өтіп жататын олимпиадаларда 800 бала жүлдегер атанды. Соның ішінде қазақ мектебін бітірген балалардың саны орыс мектебін бітірген балалардан әлдеқайда көп. «Сондықтан қазақ мектептеріндегі білім сапасы төмен деген ескірген көзқарастан арылуымыз керек»,-деді Б.Жұмағұлов.