02:37, 20 Шілде 2024

Қазақ-неміс тұрақты инженерия институты екі дипломдық бағдарлама аясында 150 грант бөлді

АҚТАУ. KAZINFORM — Yessenov University базасында ашылған Қазақ-неміс тұрақты инженерия институты екі дипломдық бағдарлама бойынша студенттерге Германияның жетекші жоғары оқу орындарынан білім алып, неміс стандарттарына сай диплом алуға бірегей мүмкіндік береді.

Фото: Ғылым және жоғары білім министрлігі

Ғылым және жоғары білім министрлігі жазғандай, бұл түлектердің алдында халықаралық мансаптық мүмкіндіктерге есік ашады және тұрақты дамуға мүмкіндік береді.

Білім беру бағдарламалар тізімі:

Энергетика және экологиялық инженерия (Физика және Математика)
Логистика (География және Математика)
Мехатроника (Физика және Математика)
Өнеркәсіптік менеджмент (География және Математика)
Технологиялық инженерия (Физика және Математика)

Грантқа өтініш беру үшін ҰБТ-да кемінде 60 балл, әрбір секция бойынша кемінде 6 балл жинау қажет. Мемлекеттік грантқа өтініш беру 24 шілдеге дейін жалғасады.

Білім Грант ЖОО-лар

Асхат Райқұл

М.Х.Дулати атындағы ТарМУ түлегі. Журналистика саласында 15 жылдан бері еңбек етіп келеді. Аймақтық, салалық, республикалық басылымдарда, интернет-порталдарда түрлі қызметтер атқарған. 2022 жылдан бері - ҚазАқпарат агенттігінің шығарушы редакторы.