Қазақ садақшылары әлем кубогі кезеңінде аралас сайыстан алғаш рет чемпион атанды
ОРАЛ. KAZINFORM — Анталья (Түркия) қаласында садақ атудан өткен әлем кубогінің үшінші кезеңінде блоктық сайыс бойынша аралас жұптық бәсекеде Андрей Тютюн мен Адель Жексенбинова чемпион атанды.
Фото: Спортты дамыту дирекциясы
Спортты дамыту дирекциясынан мәлім еткендей, қазақстандық жұп финалда Ұлыбритания командасынан айласын асырды.
Аралас бәсекеде барлығы 24 елдің спортшылары бақ сынады. Италия садақшылары үздік үштікті түйіндеді.
Фото: instagram.com/qaz_team_official
Қазақстандықтар соңғы бәсекеде Ұлыбританиядан 158:155 (39:39, 39:39, 40:38, 40:39) есебімен басым түсті. А.Тютюн әлемдік рейтингіде 19-ыншы, ал А.Жексенбинова 51-сатыда еді.
Ал ұлыбританиялықтар сапындағы әлем кубогінің 12 мәрте жүлдегері, екі дүркін Еуропа чемпионы Елла Гибсон рейтингіде көш бастаса, Эджей Скотт 75-орында тұрған.
Осылайша, қазақстандық дуэт әлем кубогі кезеңінде аралас бәсекеде алғаш рет топ жарды.
Фото: Спортты дамыту дирекциясы
Андрей Тютюн мен Адель Жексенбинова жұбы санаулы күн бұрын ғана Оңтүстік Кореяда өткен Азия кубогі кезеңінде қола жүлдеге ие болған еді.
Жалпы, Қазақстан блоктық садақ атудан өз тарихында әлем кубогының кезеңдерінде екінші рет жүлде алды.
Фото: Спортты дамыту дирекциясы
Бұған дейін сәуір айында әйелдер құрамасы командалық сайыста қола жүлдегер атанған.
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).