«Қазақмыс» компаниясының кенішінде жұмысшы мерт болды
08:56, 30 Қараша 2011
ТАНА. 30 қараша. ҚазАқпарат - Қарағанды облысында «Қазақмыс» компаниясының кенішінде жұмысшы мерт болды. Хабарды ҚР ТЖМ-ның баспасөз қызметі таратты.
Сейсенбі, 29 қараша күні Қарағанды облысы Бұқар жырау ауданындағы «Қазақмыс» ЖШС-ның «Нұрқазған» кенішінде тиегішпен маневр жасау барысында жол учаскесінің 31 жастағы жұмысшысы жарақат алып, қаза болды.