Қазақстан армиясы ТМД-дағы ең қуатты армиялардың бірі - Әзірбайжанның Қазақстан Республикасындағы әскери атташесі
14:02, 30 Тамыз 2010
АСТАНА. Тамыздың 30-ы. ҚазАқпарат /Марлан Жиембай/ - Қазақстан армиясы ТМД-дағы ең қуатты армиялардың бірі. Бұл пікірді бүгін БАҚ өкілдерінің сауалдарына жауап берген Әзірбайжанның Қазақстан Республикасындағы әскери атташесі, полковник Байжан Ғаббасов білдірді.
«Бүгінгі Конституция күніне арналған әскери шеруде өте қуатты әскери техника мен жауынгерлік қару-жарақ паш етілді. Шынымды айтсам, бүгінгі көргендерім мені таң қалдырды», деп атап өткен ол Қазақстан халқын еліміздің Ата заңы қабылданған күнмен шын жүректен құттықтайтынын жеткізді.
«Мен Қазақстан халқын осындай атаулы күнмен, Конституцияның 15 жылдығымен құттықтаймын. Сіздерде тамаша Президент әрі үлкен адами әлеует бар. Сонымен қатар менің пікірімше, Қазақстанды жарқын болашақ күтіп тұр», дейді Әзірбайжанның Қазақстан Республикасындағы әскери атташесі.