Қазақстан әуе компаниясы 25 маусымнан бастап Таяу Шығысқа қайта ұшады

АСТАНА. KAZINFORM — Таяу Шығыста атыстың тоқтатылуына байланысты Air Astana әуе компаниясы Иранның әуе кеңістігін айналып өтіп, осы өңірге ұшуды қайта бастайды, деп хабарлайды компанияның баспасөз қызметі.

Air Astana әуе компаниясының мәліметінше, 25 маусымда келесі рейстер орындалады деп күтіліп отыр, барлық жерде жергілікті уақыт көрсетілген:

• KC205 Астана-Дубай, 11:00
• KC206 Дубай-Астана, 16:40
• KC653 Алматы-Доха, 11:00
• KC654 Доха-Алматы, 15:05
• KC897 Алматы -Дубай, 11:15
• KC898 Дубай-Алматы, 16:10

— Сондай-ақ ең сыйымды Boeing 767 әуе кемесінде КС8980 Дубай-Алматы рейсі сағат 17: 40-та репатриациялық рейс орындалады. Бұл рейстерге билеттер сатылымда. Кестені әуе компанияның сайтында тексеруді сұраймыз. Рейстер ұшу қауiпсiздiгiнiң жоғары стандарттарына сәйкес орындалады, — деп атап өтті компанияның баспасөз қызметі.

Бұған дейін 2025 жылғы 24 маусым күнгі жағдай бойынша Таяу Шығыстағы әскери-саяси ахуалдың күрт шиеленісуіне байланысты бірқатар елде ресми түрде шектеулер енгізіліп, азаматтық авиацияға арналған әуе кеңістіктері жабылған еді.