Ресми өкілдің айтуынша, Қазақстан мен Еуропалық Одақ арасында немесе оған мүше мемлекеттермен Қазақстан аумағында Қазақстан Республикасының азаматтары емес, сондай-ақ еуропалық елдерден қайтарылуға немесе депортациялануға жататын адамдарды қабылдау, орналастыру, ұстау немесе транзиттік өткізу орталықтарын құру мәселесі бойынша ешқандай келіссөздер жүргізілмеген.
Сондай-ақ ведомство өкілі Қазақстан азаматтары үшін визалық режимді жеңілдету мәселесі мен реадмиссия мәселесі дербес құқықтық сипатқа ие екенін атап өтті.
— Визалық режимді жеңілдету жөніндегі ықтимал талқылаулар Қазақстан аумағында өзге мемлекет азаматтарын орналастыру жөнінде қандай да бір міндеттемелер қабылдауға негіз бола алмайды, — деп толықтырды Ерлан Жетібаев.
Бұған дейін визалық талаптарды жеңілдету жөніндегі келіссөздер аяқталғанын жазғанбыз.