АСТАНА. KAZINFORM — Семсерлесуден Қазақстан әйелдер құрамасы Аичи және Нагояда (Жапония) өтіп жатқан 2026 жылғы Азия ойындарында қола жүлдеге ие болды.
Командалық шпага бәсекесінің жартылай финалында қазақстандық спортшылар Қытай құрамасымен кездесті. Кездесуде қарсылас команда 45:21 есебімен жеңіске жетті.
Осылайша, Қазақстан құрамасы командалық сайысты қола медальмен қорытындылады.
Қазақстан сапында Ирина Бакалдина, Владислава Андреева, Дарья Самоделкина және София Николайчук өнер көрсетті.
Еске салайық, бұған дейін мерген Ислам Сәтпаев Азия ойындарының қола жүлдегері атанғанын хабарлаған едік.
Мейірман Лес
Еуразия ұлттық және Қазақ ұлттық университеттерін бітірген. Республикалық "Ұлан" газетінде, Baribar.kz, Holanews.kz, Zakon.kz, Tengrinews.kz, Massaget.kz, Ulysmedia.kz порталдарында журналист, продюсер, шығарушы/шеф/бас редактор қызметтерін атқарған. 2025-2026 жылдары Kazinform агенттігінің Алматыдағы меншікті тілшісі болып еңбек етті, қазір қазақ редакциясының шығарушы редакторы.