АСТАНА. KAZINFORM — Келісімшартта бағасы 106 млн еуро деп көрсетілген. Бұл жөнінде «ҚазМұнайГаз» ұлттық компаниясы Тасымалдау және логистика департаментінің директоры Ерболат Меңдібаев Мәжіліс кулуарында мәлімдеді.
Оның сөзінше, қазіргі геосаяси жағдайға байланысты шығарылатын айлақ қондырғыларын Новороссийскіге жеткізуде қиындықтар туындап отыр. Қосымша қаражат қажет болуы мүмкін. Бұл мәселе талқыланып жатыр.
— Қондырғылардың құны 106 млн еуро деп көрсетіліп, құжатқа қол қойылған. Бірақ келісімшарт екі жыл бұрын жасалды. Содан бері бірқатар жайт орын алғанын өздеріңіз білесіздер. Сондықтан бағасы өзгеруі мүмкін, — деді Меңдібаев.
Еске салайық, 5 сәуірде Новороссийск портында оқыс оқиға болған еді. Энергетика министрлігі Новороссийск портындағы жағдайды бақылауда ұстап отырғанын жазғанбыз.
Алпамыс Файзолла
Әл-Фараби атындағы ҚазҰУ журналистика факультетінің түлегі. Л.Н. Гумилев атындағы ЕҰУ-де қазақ тілі мен әдебиеті бойынша магистратураны бітірген. Сондай-ақ, Ұлыбританиядағы Абердин университетінде магистратурада оқыған. Республикалық телеарналарда қызмет атқарған. 2026 жылдан бастап «ҚазАқпарат» халықаралық ақпарат агенттігінің тілшісі.