Бұл жайында бүгін Астанадағы Қазақстан-Литва бизнес-форумында Литва Президенті Даля Грибаускайте мәлім етті.
«Кеше Қазақстан Президенті Нұрсұлтан Назарбаевпен кездесу біздің халықтар бір-бірін түсінетінін тағы да бір дәлелдеп өтті. Сондай-ақ біз бірлесе өте үлкен жетістіктерге қол жеткізе аламыз»,-деді Литва басшысы.
«Біз жаңа тарихи және геосаяси кезеңге аяқ басып отырмыз. Әлемдегі экономикалық дамудың Шығысқа қарай бағытталуы ауқымды мүмкіндіктер береді. Дәл осы тұрғыда Қазақстан Батыс пен Шығыс арасындағы қарым-қатынасты дамытудағы маңызды буынның бірі болып табылады»,-деп атап өтті ол.