АЛМАТЫ. KAZINFORM – 7 қыркүйектен 8 қыркүйекке қараған түні Брюссельде футболдан 2026 жылғы әлем чемпионатының іріктеу кезеңі аясында Қазақстан мен Бельгия құрамалары кездеседі.
Ойын Қазақстан уақыты бойынша сағат 23:45-те басталады. Матчты Qazsport арнасынан тікелей эфирде көруге болады.
Іріктеуде үш ойын өткізген Бельгия жеті ұпай жинады және кейінгі кездесуде Лихтенштейнді 6:0 есебімен жеңді.
Қазақстан құрамасы іріктеу кезеңінде төрт ойын өткізді. Қазіргі есепте үш ұпайы бар: Лихтенштейнді 2:0 есебімен жеңді, алайда Уэльске (1:3) және Солтүстік Македонияға (0:1) есе жіберді.
Еске салайық, бұған дейін Қазақстан ұлттық құрамасының бас бапкері Әли Әлиев Уэльске қарсы өткен ойынның нәтижесін қорытындылаған еді.
Мейірман Лес
Еуразия ұлттық және Қазақ ұлттық университеттерін бітірген. Республикалық "Ұлан" газетінде, Baribar.kz, Holanews.kz, Zakon.kz, Tengrinews.kz, Massaget.kz, Ulysmedia.kz порталдарында журналист, продюсер, шығарушы/шеф/бас редактор қызметтерін атқарған. 2025-2026 жылдары Kazinform агенттігінің Алматыдағы меншікті тілшісі болып еңбек етті, қазір қазақ редакциясының шығарушы редакторы.