02:40, 26 Желтоқсан 2023

Қазақстан боксшылары жастар арасындағы халықаралық турнирде екінші орын алды

Бакуде (Әзербайжан) әзербайжандық боксшы Аббас Агаларовты еске алуға арналған жасөспірімдер арасындағы халықаралық турнир аяқталды. Kazinform бұл туралы Sports.kz сайтына сілтеме жасап хабарлайды. 

Фото: Sports.kz

Турнирге Әзербайжан, Ресей, Өзбекстан, Қазақстан, Тәжікстан, Сауд Арабиясы және Еуропалық бокс конфедерациясынан (EUBC) 97 боксшы қатысты.

Турнир қорытындысы бойынша Қазақстан құрамасы 16 медаль (4 алтын, 5 күміс, 7 қола) жеңіп алып, жалпыкомандалық есепте екінші орын алды. Әзербайжан құрамасы 22 медальмен (5-4-13) бірінші орынға ие болды.

Турнир қорытындысы бойынша үздік бестік:

  1. Әзербайжан – 22 (5-4-13)
  2. Қазақстан – 16 (4-5-7)
  3. Тәжікстан – 4 (2-1-1)
  4. Өзбекстан – 5 (1-2-2)
  5. Ресей – 3 (1-1-1)
Бокс Жастар Спорт турнир Әзербайжан
Эльмира Оралбаева
Абай атындағы қазақ ұлттық педагогикалық университетінің түлегі. 2023 жылдан бастап Kazinform халықаралық ақпарат агенттігінде шығарушы редактор қызметін атқарып келеді.