ҚР Әділет министрлігінің баспасөз қызметінің хабарлауынша, CIOC талаптарының жалпы сомасы 1, 2 млрд АҚШ долларынан астам болды. ИДРХО бұл талаптарды қабылдамай, CIOC-қа Қазақстанға сот шығындарының өтемі ретінде 3, 2 млн АҚШ долларын өтеуді өкім етті.
Төрелік іс талқылау бұдан төрт жыл бұрын басталған болатын. Іс бойынша негізгі тыңдаулар Париж қаласында орын алды.
Іс Қаратөбе мұнай кен орнындағы көмірсутекті барлау мен өндіруге келісім-шартының CIOC-тың сол шарт ережелерін сақтамауы себебінен бұзылуымен байланысты. CIOC-тың пайымдауынша, бұл іс-талқылауға негіз болған және компанияның бояма иесі Девинчи Хуранидің АҚШ азаматтығына байланысты ИДРХО Конвенциясы мен Қазақстан мен АҚШ арасындағы екіжақты инвестициялық келісім.
Компанияның формалды түрде Девинчи Хуранидің иелігінде болғанына қарамастан, төрелік алқа CIOC дәлелдерін қайтарып, істің өз қарауына жатпайтындығы жөнінде шешім шығарды. Төрелік алқаның қорытындысы бойынша, Девинчи Хуранидің инвестиция құйып CIOC-ты өзі басқаруы жөнінде жеткілікті дәлелдер келтірілмеді.
Бұл төрелік іс талқылау барысындағы мемлекет мүдделерін қорғауға байланысты жұмыстарды Қазақстан Республикасы Әділет министрлігі үйлестірді.