Индира Еділбаева - Мәдина Сәдуақасова тобындағы үздіктің бірі. Ол жобаға дейін вокалды-инструменталды ансамбльде жұмыс істеген.
Ол Атырауда дүниеге келген. Жеті жасқа дейін Ақтау қаласында, кейін Ақтөбеде тұрған. А.Жұбанов атындағы Ақтөбе мемлекеттік университетін ағылшын және неміс тілі мамандығы бойынша тәмамдаған. Өмірлік ұстанымы: «Қандай жағдай болсын, өзіңе сен».
Индира - отбасындағы жалғыз бала. 13 жасқа қарағанда әкесі қайтыс болған. Сол себепті оның ойынша, анасы - әкенің, ағаның, әпкенің орнын басқан ең жақын жан, әрі дос.
«Анам - мектепте ағылшын тілінен сабақ береді. Менің ағылшын тілі мен шетел әндеріне деген қызығушылығымды ашқан да анам. Бес жаста болған кезімде анам Mariah Carey-дің әндерін магнитафонда ойнататын. Біз сол әншінің әндерін тыңдай жүріп, қосыла айтатынбыз, үй жинайтынбыз»,-дейді әнші.
«Барлық жанрдағы әндерді тыңдай беремін. Оның арасында қазақтың халық әндері де, тіпті рок жанрындағы әндер де бар».
Егер әнші болмасаң, кім болар едің деген сауалға Индира: «Шетелдік компаниялардың бірінде мамандығым бойынша, ағылшын тілінен аудармашы болып қызмет етер едім. Анам менің аудармашы болғанымда қалады. Сол себепті де өмірімді ағылшын тілімен байланыстырды. Алайда, мен әнді таңдадым»,-дейді.
«Қазақстан дауысының» финалына жеткен төрт үміткердің қайсысы үздік шығатыны алдағы аптада белгілі болады. Нақтырақ айтқанда, кімнің бағы жанатынын 15 ақпан сағат 21.00-де «Қазақстан» Ұлттық телеарнасынан «Қазақстан дауысы» жобасынан көруге болады.