«2018 жылы Қазақстан экономикасының әртүрлі салаларында 8,7 млн адам немесе 15 және одан жоғары жастағы халықтың 66,6 пайызы жұмыспен қамтылды. Жұмыспен қамтылғандардың 51,5 пайызы (4,5 млн адам) - ерлер, 48,5 пайыз (4,2 млн. адам) - әйелдер», - делінген таратылған ақпаратта.
Ведомство мәліметінше, 2018 жылы жалдамалы қызметкерлердің саны 6,6 млн адамды немесе жалпы жұмыспен қамтылған халық санынан 76 пайызын құрады. Жұмыспен қамтылғандардың арасында өзін-өзі жұмыспен қамтыған қызметкерлердің, яғни жалданбай жұмыспен қамтылғандардың саны 2,1 млн адам немесе 24 пайыз болды. Өзін-өзі жұмыспен қамтыған қызметкерлердің жалпы санынан жұмыспен нәтижелі қамтылғандардың үлесі 90,7 пайызға, жұмыспен нәтижесіз қамтылғандар үлесі 9,3 пайызға жетті.
Жұмыссыздық деңгейі 4,9 пайызды құрады. Жұмыссыздардың ішіндегі ерлердің үлесі - 45,5, әйелдердің үлесі - 54,5 пайыз. 15-28 жастағы жастар жұмыссыздығының деңгейі 3,8 пайыз болды. ҚР Еңбек және халықты әлеуметтік қорғау министрлігінің жұмыспен қамту органдарында 2018 жылдың соңына 91,6 мың жұмыссыз ресми тіркелген. Тіркелген жұмыссыздар үлесі жұмыс күшінің 1 пайызын құрады», - деп атап өтеді комитеттен.