АСТАНА. KAZINFORM - Шпагамен семсерлесуден Қазақстан ерлер командасы Францияның Сен-Мор-де-Фоссе қаласында өткен Challenge Monal турнирінде қола жүлдегер атанды. Бұл туралы Ұлттық олимпиадалық комитеттің баспасөз қызметі мәлімдеді.
Біздің шпагашылар турнирдің жартылай финалына дейін сүрінбей жетті. Алайда сол кезеңде Франция құрамасы 36:45 есебімен жол берді.
Үшінші орын үшін өткен кездесуде қазақстандықтар Израильмен кездесіп, еш қиындықсыз жеңіске жетті.
Аталған сында Қазақстан намысын Руслан Курбанов, Эльмир Алимжанов, Вадим Шарлаимов, Ерлік Сертай қорғады.
Осы төрт спортшы Париждегі Олимпиада ойындарында да бақ сынайды.
Эльмира Оралбаева
Абай атындағы қазақ ұлттық педагогикалық университетінің түлегі. 2023 жылдан бастап Kazinform халықаралық ақпарат агенттігінде шығарушы редактор қызметін атқарып келеді.