Оның атап өтуінше, Қазақстанда 40,5 мың бас асыл тұқымды ірі қара мал жеткізілген. Бұл жоспардың 112 пайызын құрайды. 2011-2013 жылдары аралығында холдинг мал шаруашылығы бағдарламасы аясында шамамен 40 млрд. теңге қаржы құйған. «Бұл қаржының барлығы да республикалық бюджет есебінен берілді», - деді ол.
Басқарма төрағасының атап өтуінше, еттің өзіндік құнының жоғары болуы күрделі проблемалардың біріне айналып отыр. Ал оның басты себебі - жем бағасының қымбат болуына келіп тіреледі.
«Қазіргі уақытта жұмыс жүргізудеміз. Біз жем мөлшерін қайта есептеп, бөлу үшін ресейлік мамандарды тартудамыз. Бұл ет құнын 100-150 теңгеге төмендетіп, ресейлік нарықта бәсекеге қабілетті болуына мүмкіндік береді. Біз ауыл шаруашылығы министрлігіне ұсыныс енгіздік», - деді Д.Айтжанов.