АСТАНА. 17 сәуір. ҚазАқпарат - Қазақстан-фин бизнес форумында «жасыл экономика» саласындағы әріптестік туралы декларация қабылданбақ. Бұл туралы бүгін Ақордада елімізге бірінші мемлекеттік сапармен келген Финляндия Президенті Саули Ниинистёмен кеңейтілген құрамдағы кездесуден кейінгі бірлескен баспасөз мәслихатында Елбасы Нұрсұлтан Назарбаев айтты.
«Біз бүгінге жоспарланып отырған Қазақстан-фин экономикалық форумына, «жасыл экономиканы» дамытудағы әріптестік декларациясын қабылдауға зор маңыз береміз», - деді Мемлекет басшысы.
Сонымен қатар Елбасы бұл мәселенің «ЭКСПО-2017» халықаралық көрмесінің болашақ энергетиканы дамыту тақырыбында елордада өтетіндігіне байланысты барынша өзекті екендігін ерекше атап өтті.
Марлан Жиембай
Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.