АСТАНА. Шілденің 22-сі. ҚазАқпарат /Руслан Ғаббасов/ - Қазақстан-Франция трансферттік технологиялар орталығы құрылды. Бұл туралы бүгін Астанада Индустрия және жаңа технологиялар министрлігінің 6 ай қызметінің қорытындылары мен екінші жартыжылдық жоспарларына арналған алқа мәжілісінде «Инжиниринг және технология трансферті» АҚ-ның басқарма төрағасы Саят Нүсіпов айтты.
Трансферт технологиясына тоқталған ол «Қазақстан-Франция трансферттік технологиялар орталығы құрылды. Оның жұмысында бір перспективті жоба бар - бұл «Kaz-PV» атты жоба Қазақстанда фотовольтаистік элементтерді және модульдердің өндірісін құруды қарастырады», деді.
Басқарма төрағасының айтуынша, қазіргі кезде Зерттеу және материалдық көмек қоры (Франция) жеке секторға (FASEP) алдын ала ғылыми-зерттеу жұмыстары мен техникалық-экономикалық негіздемеге 450 мың еуро көлемінде грант бөлді.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.