АСТАНА. KAZINFORM — Футболдан Қазақстан құрамасы алдағы Грекиямен болатын ойынға дайындығын Біріккен Араб Әмірлігінде өткізеді.
Қазақстандық футболшылар 2024 жылғы Еуропа чемпионаты финалдық сатысына жолдама алу үшін плей-офф сатысында Грекиямен кездеседі.
Аталған ойынға әзірлікті Қазақстан ұлттық құрамасы 8 наурызда бастайды.
Оқу-жаттығу жиыны Біріккен Араб Әмірлігінің Дубай қаласында болады.
Ал 14 наурызда Түрікменстан құрамасына қарсы жолдастық ойын жоспарланған.
Айта кетсек, 21 наурызда Афина қаласында ұлттық құрама плей-офф матчын Грекияға қарсы өткізеді.
Еске сала кетейік, бұдан бұрын Азия кубогында Өзбекстан құрамасы ширек финалға шықты.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.