2024 жылғы Еуропа чемпионаты іріктеу сатысындағы Қазақстан құрамасының Данияға қарсы кездесуінің қай телеарнадан көрсетілетіні белгілі болды, деп хабарлайды Kazinform.
Бұл ойын 14 қазаннан 15-не қараған түні елорда уақытымен 00:35-де басталады.
Кездесу «Qazaqstan» және «Qazsport» телеарналарынан тікелей эфирде көрсетіледі.
Қазірге дейін ел құрамасы алты ойын өткізді.
Іріктеу сатысында Словениядан – 1:2, Финляндиядан – 0:1 есебімен жеңілсе, Данияны – 3:2, Сан-Мариноны – 3:0, Солтүстік Ирландияны – 1:0 есебімен қапы қалдырды.
Қазақстан құрамасына 2022 жылдың 27 сәуірінен бастап ресейлік бапкер Магомед Адиев жетекшілік етіп келеді.
Оның жетекшілігімен футболшылар 14 ойын өткізді.
Қазірге дейін ұлттық құрама 8 мәрте жеңіске жетіп, біреуінде тең нәтиже тіркелді, бесеуінде қарсыласына есе жіберді.
Бұл ойыннан кейін қазақстандық футболшылар 17 қазанда сырт алаңда Финляндиямен кездеседі.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.